ಕ್ರಿಯಾ ಪ್ರಕಾಶನ

ಕ್ರಿಯಾ ಪ್ರಕಾಶನ ಎಪ್ಪತ್ತರ ದಶಕದ ಎಡ-ಪ್ರಜಾಸತ್ತಾತ್ಮಕ ಮತ್ತು ಪ್ರಗತಿಪರ ಚಳುವಳಿಗಳ ಭಾಗವಾಗಿ ಹುಟ್ಟಿ ಬೆಳೆದ ಸಂಸ್ಥೆ. ಹಲವು ದಶಕಗಳಿಂದ ಪುಸ್ತಕ ಪ್ರಕಾಶನವಲ್ಲದೆ ಸ್ವಂತ ಆಧುನಿಕ ಪ್ರೆಸ್ ಮೂಲಕ ಕನ್ನಡ ಪುಸ್ತಕ ಪ್ರಪಂಚಕ್ಕೆ ಸೇವೆ ಸಲ್ಲಿಸುತ್ತಾ ಬಂದಿದೆ.  ಕರ್ನಾಟಕದಲ್ಲಿ ವೈಜ್ಞಾನಿಕ ಮನೋಭಾವ ಮತ್ತು ವೈಚಾರಿಕತೆ ಬೆಳೆಸುವ ಕೃತಿಗಳ ರಚನೆ, ಪ್ರಕಟಣೆ ಹಾಗೂ ಪ್ರಸಾರಕ್ಕೆ ಶ್ರಮಿಸುತ್ತಾ ಬಂದಿದೆ. ಕೋಮುವಾದ, ಜಾಗತೀಕರಣ ಮತ್ತು ಭೋಗವಾದದ ದಾಳಿಗಳನ್ನು ಧೃಢವಾಗಿ ಎದುರಿಸಿ, ಅವುಗಳಿಗೆ ಬದಲಿ ಮೌಲ್ಯಗಳನ್ನು ರೂಪಿಸುವ ಚಳುವಳಿಯನ್ನು ಎತ್ತಿ ಹಿಡಿಯುವ ಪುಸ್ತಕಗಳ ಪ್ರಕಾಶನ ಕ್ರಿಯಾದ ಮುಖ್ಯ ಉದ್ದೇಶಗಳಲ್ಲೊಂದು. ಕ್ರಿಯಾ ಕರ್ನಾಟಕದ ಸಾಮಾಜಿಕ, ಆರ್ಥಿಕ, ರಾಜಕೀಯ, ಸಾಂಸ್ಕೃತಿಕ ಕ್ಷೇತ್ರದ ಬೆಳವಣಿಗೆಗಳನು,ಮತ್ತು ಅವು ಎದುರಿಸುತ್ತಿರುವ ಸಮಸ್ಯೆಗಳ ಅಧ್ಯಯನ ಆಧಾರಿತ  ಪುಸ್ತಕಗಳ ಪ್ರಕಾಶನವನ್ನು ಇನ್ನಷ್ಟು ವ್ಯಾಪಕಗೊಳಿಸುವ ಆಶಯ ಹೊಂದಿದೆ.